اعترافات فتاة الفيس بوك (3)

(3)

هو و هي و هي…

كل يوم أو يومين أدخل ألاقي إضافة جديدة من صديق…أفتح ألاقي ولد عامل لي Add
ممكن أفهم ليش؟؟؟ يعرفني …أعرفه…يقرب لي…أقرب له؟؟؟ لا طبعا ً بس يبغى
بنت وخلاص (إشباع رغبات بالتوافه)…وأحياناً (فراغة عين)…ولعلمكم حتى الأولاد أحياناً
يحطوا صور الله وحدة يعلم بها…!!! صور مؤسفة لأبعد حد (…)>>>ماأقدر أقول إيش هي
ومو بس كدا…بعضهم يعملو إضافة ويرسلو مسج ((ممكن أتعرف))؟؟؟
أنا ردي جداً ظريف (لا.مو.ممكن.)

واللي يتفلسف أتفلسف عليه…يعني يجي واحد يقولي إيش فيها لو أتعرفنا؟؟؟ بس نسير أصحاب
مو شي غلط…!!! تلاقيني كتبت له مقالة طويلة عريضة أوضح فيها مراحل الإنحراف اللي ممكن
البنت والولد يوصلوا لها لمجرد إنهم يبغو يتصاحبو ويكونو Friends
يعني أنا كنت من النوع اللي ما أقدر أسكت على حق…حتى لو ماعجبهم كلامي…على الأقل يقرؤوه
لربما في يوم يتذكروه ويستفيدوا…

كنت أحسب نفسي في الناحية السليمة لأني ما أضفت ولا ولد غريب عندي…حتى من العائلة ما كان عندي
لكن قريباتي بدأن بإضافة أولاد العائلة، فأحسست أن الأمر عادي….كلنا مع بعض و أسرة واحدة… ما في شي غلط…
بدأت أضيف أولاد العائلة أنا أيضا….على بالي إني في الناحية السليمة ((أولاد العيلة  و إيش فيها!!)) أكيد ما راح يصير شي وحش!!!

و مرت الأيام…

خلود وحدة من قريباتي بدأت تعجب بواحد من العائلة …و تعليق من هنا على تعليق من هنا وهو يرد عليها و هي تفسر ردوده على كيفها…..و أكيد معجب بشخصيتي (كل بنت تعتقد نفسها فريدة من نوعها لكنهن جميعا عند الشباب شيء واحد!)……بدأوا يتكلموا مع بعض في تشات الفيس بوك …وماااااااااا أدراك ما تشات الفيس بوك إللي زاد الطينة بلة!!! بعد تشات الفيس بوك أتطور الموضوع و سار MSN ماسنجر…عادي… قريبي….زي أخويا ((هذا اللي كان على بالها)) إعجاب بالشخصية وشوية شوية سار بالشكل لأن الفيس بوك كله صور…وأتطور الموضوع للجوال…وبدأت قصة الحب((العجيبة))…

خلود التي كانت كالجوهرة في صندوق مجوهرات ومستحيل تخرج منه و عندها مبادئ مستحيل تهتز….
أتغير كل شي بسبب إيش؟؟؟؟؟؟؟؟ الفيس بوك!!!!!!!!!!!!!!!!!!!!

و لحقت بها قريبتي التانية هيام اللي ناقصها حنان لأنها يتيمة وفاقدة للحنان و الرعاية و ظروفها العائلية صعبة جدا و مضطربة…
قولوا لي …هذه البنت الصغيرة التي تحتاج حنان واهتمام سوف تلجأ لمن؟؟؟؟
تلجأ لمن و هي تجد أمامها أولاد في الفيس بوك يرسلو لها كلام حلو  يخللي الحياة حلوة !!!
بتحارب مسكينة وبتحاول إنها ماتضعف ومابترد عليهم…
بس سارت تتكلم مع قريبها و قريب خلود  نفسه اللي معجبة بيه خلود وسارو البنتين في حالة تنافس مستمرة …
رد عليا ومارد عليكي…رد عليكي ومارد عليا…هو يحب مين بالزبط؟؟؟ و طبعا حضرة صاحبنا الكازانوفا مبسوط بهادي الحرب بين البنتين و لا همه أي شي!

علاقة ثلاثية غريبة…هو يدعي الحب أمام خلود….و في نفس الوقت يدعي الحب نحو هيام…و الاثنين يحكوا لبعض قصصهم معاه! و هنا بدأت المشاكل…

هو يرسل تعليق على صفحة خلود، فتشتعل هيام بالغيرة…..فيرسل تعليق ترضية لهيام، فتشتعل معركة بين البنتين …..و ما زاد الوضع شعلله، هو تدخل أخوات خلود و هيام و قريباتهم…..و كل مجموعة تاخد صف أختها او قريبتها….و كله في سبيل التنافس على المحروس الدون جوان (الله يحميه)!!!

أخوات دي يسألو ليش دا بيقول كدا؟ وليش انت رديتي كدا؟ وإلا إنت قصدك كدا…!!!
وحتى الأخوات أصبحت بينهم مشاكل و خلافات كبيرة….بسبب إيش؟؟؟؟بسبب دون جوان الفيس بوك!!!

دحين دوري أنا …”أنا”!!!!!
أنا كان عندي مبادئ…بس نسيتها لوهله !!! كلمته أنا كمان بس بدون أي هدف…
كلمته بس عشانهم بيكلموه…(يعني حلال عليهم وحرام عليا)؟؟؟ خصوصا ً إني سمعت إنه أسلوبه خطير و مرة إنسان فظيع>>>أعوذ بالله من الشيطان اللي يزين الشر للإنسان!!!

أقولكم إيش أستفدنا من اللي سويناه دا ؟؟؟

أتعلق قلب خلود بيه …وبعد كدا وبعد الوعود والعهود بكل سهولة سابها بدون سبب….شكله طفش منها لأنه ما كان ناوي زواج أصلا…كان باستطاعته يدور له  على حل لو كان من جد يحبها زي ما هي المسكينة حبته وأعطته كل قلبها ومشاعرها الطاااااااااهرة اللي ماعمرها أعطتها لأحد !!!

أقولكم إيش سار كمان…؟؟؟ هيام تركته  بعد ما عرفت إنه لعوب وما منه فايدة…بس حبت واحد ماتعرفه ولايعرفها و بدأت مسجات وبعدين Chat وبعدين MSN ماسنجر…حبته المسكينة بكل قلبها بس ماقالتلو…
تنتظر منه يبدأ ويقولها إنه يحبها…مهي عارفة إنو الكلام الحلو دا اللي بيطع منه كله كلااااااااااااااااام
مو أحاسسيس…وإنو الكلام دا بينقال لغيرها نفسه زي مابينقال ليها…وإنو مو عشان قال لها كدا يعني يحبها
حتى لو ماكان كذب…مارح يكون حب زي ماهي متخيلة …ما راح يكون حب ونهايته زواج وحياة وردية سعيدة!!!

و النهاية اثنين من قريباتي قلوبهم محطمة و مكسورة بسبب تجربة مع واحد حقير و ما عنده مباديء…و يمكن هذه التجربة تخليهم يوقعوا في تجارب أسوأ….


أقولكم إيش سارلي أنا…؟؟؟
كنت من زمان معجبة بواحد يقرب لي بس ساكته وكاتمة في نفسي (أخلاقي وديني ماكانو يسمحولي)
وفوق دا كله الراجل متزوج!!! يعني أكيد حتقولو عني مجنونة دا أقل شي…

كان عندي في الفيس بوك قدامي كل يوم…بأقرأ أخباره أول بأول وياسلام على الفيس بوك يخليك
تعيش لحظة بلحظة مع الشخص…..و قتي كله أقرأ التعليقات إللي على صفحته و اعرف شيء أكثر عن شخصيته….و قتي كله أفكر إيش أكتب تعليقات في صفحتي عشان ألفت نظره.و التعليقات هادي الكل يقدر يشوفها…هو و (غيره) يعني إللي ما يشتري يفرج…..عشان يعرف شي أكثر عن شخصيتي……وقتي كله أكتب تعليقات سخيفة مثل: (أنا ما أقدر أعيش من غير حب)….(إللي بينا نص حالة…نص للحب إللي يمكن و نصها التاني استحالة)….(على بالي و لا انت داري باللي جرالي)……(نار في قلبي)….و أحيانا كان يرسل لي علامات استفهام عن الكلام إللي بأكتبه و أنا كنت أفرح عشان خطتي كانت بتنجح بالتدريج……و بعد فترة….بدأت أتعلق بيه أكتر…والإعجاب سار حب…بس من بعيد

و بعد فترة…..طلق مرته!!!!!!!!!!!!! الشيطان فتح قدامي طريق الورد…(يابنت أفرحي…سار قدامك وفاضي…)

إيش مستنيه؟؟؟

About these ads

9 thoughts on “اعترافات فتاة الفيس بوك (3)

  1. ياويلي على الحب قد ايش يدمر و يتعب البنات , بجد قلبي سار يدق بقوة مع حكايتها , الله يعينها . و مازلت متابعة :) . على فكرة انا muse اذا فاكرة الاسم دا :)

  2. هذه الأمور توضح لنا المشاكل النفسية التي تعيشها هذه الفئة العمرية التي ليس لدى معظمها أي هدف واضح أو إشغال الوقت بشيء مفيد .. وهي تعتبر مرحلة عابرة عند الأغلبية.

    تحياتي لك وكل عام وانت والأمة الإسلامية العربية بخير

    • أَ لحديثها بقية ؟

      .

      سبحان الله ؛ الإنسان مهما ظن أنه لن يقع في الخطأ ومعصوم عنه .. أتته سبل الشياطين من حيث لا يدرك

      ” ولا تتبعوا خطوات الشيطان ”

      .
      .

      أشكرك كثيراً : )

      بانتظار الآتي ..

      وعُذراً .. أيقونة الرد السريع ضُغطت خطئاً قبل استكمال الرد ..

  3. شكرا للجميع على المتابعة و التشجيع و أعذروني لتأخري في الرد بسبب انشغالي في العمل..

  4. موضوع رائع ويسلمو غاليتي .وهاي حب ومايسوي .بس يلي عندة تفكير وعقل ماينجر الى كلام بسهوولة وشكرا..

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s